FABRIANO брэнд нь 13-р зуунаас үүсэлтэй бөгөөд найман зууны турш бүтээлч урлаг, бичиг соёл, гар урлалын хөгжилд үнэтэй хувь нэмэр оруулсаар ирсэн дэлхийн хамгийн эртний, нэр хүндтэй цаасны брэндүүдийн нэг юм. Италийн Марке бүс нутагт байрлах Fabriano хотод анх байгуулагдсан энэ үйлдвэр нь Европт анх цаас үйлдвэрлэж эхэлсэн цөөн газрын нэг бөгөөд тухайн үедээ усан тамга, хөвөн даавуун материалаар хийсэн бат бөх, өндөр чанартай гар цаасаараа онцгойрч, дэлхийд танигдсан түүхтэй.
Зөвхөн цаас үйлдвэрлэлээр хязгаарлагдахгүй, соёл урлагийн хөгжилд хувь нэмэр оруулж, Леонардо да Винчи зэрэг түүхэн алдартнуудын хэрэглэж байсан цаасыг бүтээж байснаараа онцлог. Өнөө үед тус брэнд нь уламжлалт гар урлалын арга барилыг орчин үеийн технологитой хослуулан урлаг, уран зураг, бичиг хэрэг, оффис, сургалтын зориулалттай 3000 гаруй нэр төрлийн бүтээгдэхүүн үйлдвэрлэж, дэлхийн 100 гаруй оронд амжилттай борлуулагдаж байна. FABRIANO нь чанар, бүтээлч сэтгэлгээ, урт хугацааны уламжлалаа хадгалан авч үлдсэн дэлхийн соёлын үнэт өв юм.