Үйлчилгээний Ерөнхий Нөхцөл

1.Нийтлэг үндэслэл

1.1.Энэхүү  ерөнхий нөхцлөөр /цаашид журам гэх/ худалдаа үйлчилгээ, бараа солилцоо, ажлын болон бусад бизнесийн зар мэдээлэл, сурталчилгаатай холбоотой нэгдсэн цахим үйлчилгээг  www.ebolomj.mn /цаашид сайт гэх/–аас үзүүлэх журмыг тогтооно.

1.2.Хэрэглэгч гэж энэхүү сайтын үйлчилгээг төлбөртэй болон төлбөргүй нөхцлөөр авч байгаа аливаа иргэн, хуулийн этгээдийг ойлгоно.

1.3.Сайт нь төлбөртэй болон төлбөргүй хоёр үндсэн нөхцлөөр худалдаа үйлчилгээ, бараа солилцоо, ажлын болон бусад бизнесийн зар мэдээлэл, сурталчилгааны цахим үйлчилгээг хэрэглэгчдэд үзүүлнэ.

1.4.Сайтын үйлчилгээг төлбөргүй авах хэрэглэгчид энэхүү журмыг уншиж танилцан, үйлчилгээний нөхцлийг хүлээн зөвшөөрөх хэсгийг цахимаар бөглөснөөр цаашид сайтад бизнесийн зар мэдээллээ болон ажлын анкетаа байршуулах эрхтэй болно.

1.5.Сайтын үйлчилгээг төлбөртэй авах хэрэглэгчид энэхүү үйлчилгээний журмыг уншиж танилцан, холбогдох үйлчилгээний багцыг сонгон гэрээ байгуулж, төлбөр төлснөөр сайтын үйлчилгээ авах эрхтэй болно.

1.6.Төлбөрт үйлчилгээ нь Платинум, Даймонд, Голд, Ажлын байр, Энгийн гэсэн багцтай байна.

1.7.Хэрэглэгч нь энэхүү үйлчилгээний журмыг хүлээн зөвшөөрөөгүй тохиолдолд мөн хуулиар хориглосон, бусдын эрхийг зөрчсөн болон нийтээр хүлээн зөвшөөрсөн ёс суртахууны хэм хэмжээнд харш аливаа, мэдээ, мэдээлэл оруулбал сайтын цахим үйлчилгээ авах эрхгүй болно.

2.Хэрэглэгчийн эрх, үүрэг

Хэрэглэгчийн эрх

2.1.Хэрэглэгч нь сайтад байршуулсан мэдээллээ хэдийд ч буцаан авах, устгах, засвар болон нэмэлт өөрчлөлт хийх эрхтэй.

2.2.Хэрэглэгч нь сайтын үйл ажиллагаатай холбоотой аливаа санал хүсэлт, гомдол мэдээллийг сайтад хандан гаргах эрхтэй.

2.3.Хэрэглэгч нь хугацаатай байгуулсан төлбөрт үйлчилгээний гэрээ байгуулснаас бусад тохиодолд сайтын үйлчилгээнээс хэдийд ч татгалзан гарах эрхтэй.

Хэрэглэгчийн үүрэг

2.4.Хэрэглэгч нь сайтын үйлчилгээний энэхүү нөхцлийг мөрдөж

• Зар сурталчилгааны тухай хууль
• Оюуны өмчийн тухай хууль
• Садар самуун явдалтай тэмцэх тухай хууль
• Өрсөлдөөний тухай хууль
• Тамхины тухай хууль
• Архидан согтуурахтай тэмцэх тухай хууль
• Мансууруулах болон сэтгэцэд нөлөөт бодисын эргэлтэд хяналт тавих тухай хууль
• Холбогдох бусад хууль тогтоомжийг сахин биелүүлэх, зөрчсөн тохиолдолд зөвхөн өөрөө хариуцлага хүлээнэ.

2.5.Хэрэглэгч нь бусдын эрх, эрх чөлөө, нэр төр, байгууллагын бизнесийн нэр хүндийг хүндэтгэх бөгөөд зөрчсөн тохиолдолд зөвхөн өөрөө хариуцлага хүлээнэ.

2.6.Хэрэглэгч нь зар сурталчилгаа, мэдээлэлтэй холбоотой өөрт болон бусдад учрах гарч болзошгүй болон урьдчилан тооцоогүй аливаа эрсдлийг өөрөө хүлээнэ.

2.7.Хэрэглэгч нь сайтын ашиглалтын хүрээнд зөвхөн өөрийн нэр, хаяг, утасны дугаар, цахим хаяг, зургийг ашиглах бөгөөд гуравдагч этгээдийн мэдээллийг зөвшөөрөлгүйгээр дур мэдэн ашигласнаас гарах үр дагаварыг өөрөө хариуцна.

3.Сайтын эрх, үүрэг

Сайтын эрх

3.1.Сайт хэрэглэгчийн байршуулах мэдээлэл энэхүү журмын 4 дүгээр бүлэгт заасан мэдээлэл байршуулах журамд нийцэж байгаа эсэхэд хяналт тавих, зөрчсөн тохиолдолд байршуулахгүй байх, устгах эрхтэй.

3.2.Хэрэглэгчийн байршуулах мэдээллийг тодруулах, нэмэлт мэдээлэл авах, утга найруулгыг сайжруулах саналаа хэлэх, зөвлөгөө өгөх, мэдээлэл байршуулах журамд нийцүүлэх эрхтэй.

3.3.Сайт нь нийтлэгдсэн мэдээллийн хугацааг сунгах, байршлыг нь өөрчлөх эрхтэй.

Сайтын үүрэг

3.4.Сайт нь Монгол Улсын хууль тогтоомж, нийтээр дагаж мөрдөх дүрэм, журам, ёс суртахууны хэм хэмжээг чандлан мөрдөнө.

3.5.Сайт нь үйлчилгээний чанарт хяналт тавин, хэрэглэгчийн сэтгэл ханамжинд судалгаа хийж, шинэчлэлт, сайжруулалтыг тогтмол хийнэ.

3.6.Сайт нь үйлчилгээний нөхцөл, бодлогод орж байгаа өөрчлөлтийг хэрэглэгчдэд нэн даруй мэдэгдэнэ.

3.7.Хэрэглэгчийн гаргасан санал хүсэлт, гомдолд сайт нь ажлын 3 хоногт хариу өгнө.

4.Сайтад мэдээлэл байршуулах журам

4.1.Хэрэглэгч нь сайтын хэрэглэгч нь өөрт ирсэн нэвтрэх нэр, кодоор сайтад нэвтэрч, үйлчилгээг авна. Үйлчилгээг авахдаа сайтад оруулах гэж буй мэдээллээ сайтын тохирох категорид байршуулна.

4.2.Хэрэглэгч сайт руу нэвтрэх өөрийн нэвтрэх нэр, кодын нууцлалыг хариуцах бөгөөд гуравдагч этгээдэд задруулснаас үүсэх эрсдлийг тухайн хэрэглэгч өөрөө хариуцна. Сайтын үйлчилгээг төлбөртэй авч байгаа аливаа хэрэглэгч нь /хувь хүн, хуулийн этгээд/ нь зөвхөн нэг нэвтрэх нэр, кодтой байна.

4.3.Хэрэглэгч нь энэхүү журмын 2.4 болон 2.5-аас гадна сайтын бодлогын хүрээнд дараах мэдээллийг нийтлэхгүй.

• Улс төрийн шинжтэй аливаа мэдээлэл, сонгуулийн сурталчилгаа
• Нийтийн эмх замбараагүй байдалд турхирсан, жагсаал цуглаанд уриалсан аливаа мэдээлэл
• Бооцоот болон мөрийтэй тоглоом, бусад үйл ажиллагаа
• Сүлжээний бизнес, сүлжээний худалдаа
• Шашны зан үйл, зурхай, мэргэ төлөг, дом засал
• Шинжлэх ухааны үндэслэлгүй мэдээлэл
• Амьтан, ургамал тэдгээрийн гаралтай түүхий эдийн хорио цээрийн дэглэм зөрчсөн аливаа бүтээгдэхүүн, бүхий л төрлийн ангийн амьтан, тэдгээрийн эд эрхтэн, бусад дайвар бүтээгдэхүүн
• Тусгай зөвшөөрөлгүй этгээд гадаадад ажилд жуучлах, виз зуучлах
• Тусгай зөвшөөрөл, одон медаль, цол тэмдэг, гэрчилгээ, бусад бичиг баримт төрийн байгууллагаас гаргуулахад зуучлах
• Түүх соёлын дурсгалт зүйлс, археологийн болон палентологийн эд зүйлс
• Монгол Улсын хилээр нэвтрүүлэхийг хориглосон бүлэг барааны жагсаалтад багтсан бараа
• Монгол улсад эмийн бүртгэлд бүртгэгдээгүй эм

4.4.Сайт нь энэхүү журмын 4.3-д заасан мэдээллийг шүүж, зөрчсөн бол устгах арга хэмжээ авах бөгөөд өөрсдийн техникийн хүчин чадлын хэмжээ, нөөц бололцооноос хамаарч ийнхүү шүүж чадалгүй нийтлэгдсэнд ямар нэг хариуцлага хүлээхгүй болно.

4.5.Мэдээлэл байршуулах нийтлэг стандарт

• Мэдээллийг кирилл монголоор бичгээр утга агуулгын алдаагүй бичих, ойлгомжгүй тэмдэг тэмдэглэгээ, ашиглахгүй байх
• Санал болгож буй бараа, ажил, үйлчилгээ байршиж буй категорид нийцсэн байх
• Мэдээллийн гарчиг, үндсэн мэдээлэл, зураг нь хоорондоо зөрчилдөөгүй
• Мэдээллийн гарчигт байгууллагын нэр, холбоо барих дугаар бичихийг хориглоно
• Мэдээлэл нь бодитой буюу тухайн бараа, ажил, үйлчилгээтэй нийцэж байх, өнгө, пиксел нь зохих шаардлагыг хангасан байх
• Бусад интернет хуудасны холбоос ашиглахгүй байх, нэг хаягнаас ижил зар нийтлэхгүй байх, зарын утга санаа давхцахгүй байх
• Үл хөдлөх зуучийн үйл ажиллагаа эрхэлдэг байгууллага, агент нь үл хөдлөхтэй холбоотой мэдээлэл оруулахдаа үл хөдлөх хөрөнгө тус бүр дээр нэг мэдээлэл оруулна
• Үл хөдлөхийн хөрөнгийн мэдээлэл оруулахдаа үл хөдлөхийн гадна болон дотор фото зураг, давхар, байршил, хаяг, талбайн хэмжээ, метр квадратын үнэ, нийт үнэ зэргийг тодорхой байршуулна
• Барилгын ажил дуусаагүй тохиолдолд барилгын ажлын явц, үе шат, дуусах хугацаа, улсын комисст хүлээлгэн, ашиглалтанд оруулах хугацаа зэргийг тодорхой мэдээлж байршуулна
• Ажлын байрны санал гэдэг нь ажил олгогч этгээд нь ажлын байранд тодорхой оноосон мэргэжлээр томилж ажиллуулахад бэлэн байх саналыг хэлнэ
• Өөр өөр байршилтай ижил төстэй нээлттэй ажлын байр нийтлэхийг зөвшөөрнө. Сүлжээ байгууллага болон худалдааны газрын олон байршилд байрлах ижил ажлын байрны мэдээллийг оруулахыг зөвшөөрнө. Энэ тохиолдолд ажлын байр болон салбарын байршил тодорхой байх ёстой
• Аж ахуйн нэгж байгууллага нэг ажлын байр дээр нэг мэдээлэл байршуулна
• Мэдээллийн тайлбарын нийт тэмдэгт нь space буюу зай авахтайгаа нийлээд багадаа нийт 500 тэмдэгтээс ихгүй байна

4.6.Хууль тогтоомжийн өөрчлөлт, нийтээр дагаж мөрдөх эрх зүйн хэм хэмжээний акттай холбоотойгоор энэхүү журамд орсон өөрчлөлтийг хэрэглэгчид Монгол Улсын хууль тогтоомжийг мэдэх, дагах үүрэгтэйн хувьд сайтын зүгээс мэдэгдсэн эсэхээс үл хамааран дагаж мөрдөнө.

5.Хариуцлагын хүрээ

5.1.Сайтыг ашигласнаар хэрэглэгч өөрт учирч болох бүх эрсдлийг хүлээх ба байршуулсан мэдээллийн агуулга, бодит байдал, чанар стандарт, тухайн худалдаа, ажил, үйлчилгээ эрхэлснээс үүсэх хуулийн болон бусад үр дагаварыг хэрэглэгч хариуцна.

5.2.Гаднаас гуравдагч этгээд сайтад хууль бусаар нэвтэрсний улмаас сайтын сервер, мэдээллийн баазыг ашигласан, устгасан, гэмтээсэн түүнчлэн хэрэглэгчийн мэдээллийг ашигласанд сайт хариуцлага хүлээхгүй.

5.3.Сайтын үйлчилгээг авч байгаа тохиолдолд хэрэглэгч өөрийн ашиглаж байгаа комьпютер, гар утас, бусад цахим хэрэгслийн аюулгүй байдлыг хангах, вирусээс хамгаалах үүрэг хүлээнэ.

5.4.Сайт нь Хэрэглэгчдийн дунд хийгдэх бүх хэлэлцээрт хуулийн болон бусад үүрэг хүлээхгүй, дундын зуучлагчийн үүрэг гүйцэтгэхгүй бөгөөд зөвхөн мэдээллийн үйлчилгээг цахимаар хүргэнэ.

5.5.Тухайн худалдаа, ажил, үйлчилгээний чанар стандарт, мэдээллийн бодит байдлыг сайт хянах боломжгүй, тэдгээрт хариуцлага хүлээхгүй болно. Сайтаар дамжин явагдаж болзошгүй залилангийн болон бусад гэмт хэргийн шинжтэй үйлдэлд сайт ямар нэг хариуцлага хүлээхгүй.

5.6.Тусгай зөвшөөрөл шаардагдах худалдаа, ажил, үйлчилгээний мэдээлэлд сайт хариуцлага хүлээхгүй болно.

6.Дата мэдээллийг бүртгэх, хадгалах, ашиглах

6.1.Сайтад хандах үед таны мэдээлэл болох

• IP хаяг
• Төхөөрөмжийн төрөл, ID
• URL хаяг
• Хандсан огноо, цаг
• Байршил
• Татаж авсан файлын нэр
• Үзсэн мэдээллийн давтамж, тоо, төрөл, түүх
• Ашиглаж буй интернетийн хөтөч, интернет үйлчилгээ үзүүлэгч зэрэг нь сайтын дата санд автоматаар бүртгэгдэж байдаг. Мөн сайт нь гуравдагч тал буюу google мэтийн үйлчилгээ үзүүлэгчээс дээрх мэдээллийг авах боломжтой.

6.2.Энэхүү үйлчилгээний журмыг хүлээн зөвшөөрч үйлчилгээ авснаар сайтын мэдээллийн санд дор дурьдсан таны мэдээлэл автоматаар бүртгэгдэнэ.

• Нэр
• Утас
• Имэйл хаяг
• Бусдаас ялгах бусад таних мэдээлэл
• Таны өөрийн хүсэлтээр өгсөн мэдээлэл болох таны худалдан авалт эсвэл борлуулалттай холбоотой мэдээлэл

6.3.Сайт нь үйлчилгээний чанарыг сайжруулах үүднээс таны утсаар тавьсан санал, гомдол, хүсэлтийг бичиж болно.

6.4.Бид хэрэглэгчийн дээр дурьдагдсан хувийн мэдээллийг зөвхөн сайтын үйл ажиллагаандаа зориулж хадгална.

6.5.Хэрэглэгчийн мэдээллийг дараах зорилгоор ашиглана. Үүнд:

• Сайтын үйл ажиллагааг сайжруулах
• Хэрэглэгчийн зөвшөөрлөөр бараа бүтээгдэхүүн, үйлчилгээ санал болгох маркетингийн үйл ажиллагаанд ашиглах

6.6.Хадгалах хугацаа дууссаны дараа, эсвэл таны мэдээллийг боловсруулах хууль ёсны үндэслэлгүй болсон үед бид таны мэдээллийн аюулгүйгээр устгах болно.

6.7.Энэ журмын 6.5-д зааснаас өөр зорилгоор сайт нь хэрэглэгчийн мэдээллийг ашиглахгүй, дамжуулахгүй болно.

6.8.Хэрэв та бидний сурталчилгааны имэйл эсвэл мэдээллийн товхимол хүлээн авсан бол имэйлийн төгсгөлд байрлах зааврын дагуу бүртгэлээс хасагдах замаар манай маркетингийн имэйл жагсаалтаас гарах боломжтой.

6.9.Дээр дурьдагдсан хувийн мэдээллүүдийг бүртгүүлэх, ашиглуулахаас татгалзвал та цахим шуудангаар мөн утсаар сайтад хандаж зөвшөөрлөө цуцлана.

6.10.Сайт нь гуравдагч талын вэбсайт, нэмэлт өргөтгөл (плаг-ин) болон аппликейшнүүдийн холбоосыг агуулж байж болно. Тухайн холбоосуудыг дарснаар эсвэл холболтуудыг идэвхжүүлснээр гуравдагч талууд таны талаарх мэдээллийг цуглуулах эсвэл хуваалцах боломжтой болно. Бид эдгээр гуравдагч талуудын вэбсайтуудыг хянадаггүй бөгөөд тэдний нууцлалын бодлого болон/эсвэл үйл ажиллагаанд хариуцлага хүлээхгүй.